Get Involved

There are many ways you can help.
Learn more below!

  • Support the Save-A-Child Project
  • Donate Non-money Items
  • Volunteer Your Time
  • Form a Prayer Group
  • "Donate" your Birthday

Read more

Praatjie-oggend by Pro Arte

CMR Noord se Sandra het onlangs ‘n praatjie gaan aanbied by Pro Arte Skool (Pretoria), waartydens vierhonderd kinders ingelig is oor tienerswangerskap. ‘n Donasie van R600 is aan die organisasie gegee - ons sê vir hulle DANKIE vir hul tyd en skenking van HOOP!

Die Osies se CMR-spaarblikkies samel HOOP in!

Die CMR-span het verlede week Laerskool Pretoria-Oos besoek in die aanloop tot die opkomende Kinderbeskermingsweek wat einde Mei plaasvind.  

Elke skoolkind het ‘n plastiek spaarblikkie in die vorm van ‘n skoen ontvang vir een spesifieke – en baie spesiale – rede: Ons vier hierdie jaar ons 80e bestaansjaar met die tema “Stap in ’n (minder bevoorregte) kind se skoene!”  

Ons poog om fondse met dié spaarblikkies spesifiek vir die “Red-‘n-Kind Projek” wat op KINDERBESKERMING fokus, in te samel. Hierdie inisiatief is hoofsaaklik gerig op die beveiliging van getraumatiseerde kinders. ‘n Informatiewe blaadjie met belangrike inligting oor die onderwerp is ook saamgestuur vir die Osie-ouers om na te loer.

Indien elke Osie minstens R50 insamel (met al die blikkies wat hulle in Pretoria gaan versprei) kan ‘n totaal van een honderd medekinders uit die klouevan mishandeling, armoede, verwaarlosing en/of seksuele misbruik gered word. Nadat die projek afgehandel is, kan hulle boonop die spaarblikkies hou en herinner word dat hulle ander maatjies wat swaarkry, gehelp het.

En só maak ons saam-saam ander kinders wie nie sulke “nuwe skoene” het om in te loop nie, se hartjies bitter bly!

Vir meer inligting oor die Red-‘n-Kind Projek, kontak gerus vir Anja Le Cornu per e-pos by  This email address is being protected from spambots. You need JavaScript enabled to view it.  OF besoek CMR Noord se webwerf by www.cmrn.co.za.

Wanneer pleegsorg vir familie-vermaak óók sorg!

Onder leiding van een van CMR Noord se maatskaplike werkers, het ‘n groep van sewe pleegmoeders destyds bymekaargekom en die Pleegouer Aksiegroep gevorm. Pleegsorg lê hierdie dames natuurlik besonders na aan die hart, en hulle het vinnig koppe bymekaargesit om idees te kry vir ‘n twee-in-een byeenkoms wat familietyd en fondsinsameling kombineer: ‘n buitelug fliekaand! Die film “The Good Dinosaur” sorg vir ‘n aand van vermaak vir die hele gesin...

...Nie eens die broodnodige reën kon ‘n demper op die verrigtinge plaas nie, en 205 mense het op Saterdag 12 Maart saamgespan by Laerskool Kameelfontein. Komberse is oor die vloer gestrooi, stoele is uitgesit en die trosende reuk van koffie en springmielies het die koel aandluggie verwelkom. Die geluid van kinderstemme en laguitbarstings het daarvan getuig dat dié aand vir hope plesier gesorg het!

Die Pleegouer Aksiegroep en CMR Noord is dankbaar vir elkeen wat die moeite gedoen het om deel te wees van ‘n onvergeetlike geleentheid – sonder julle sou hierdie aand an ontspanning nie ‘n sukses gewees het nie! Deur kaartjieverkope, eet- en drinkgoedverkope en donasies, is ‘n indrukwekkende aantal fondse ingesamel, en hierdie geld word aangewend vir die behoeftes van pleegkinders wie se pleegouers nie daarin kan voorsien nie.

Indien jy sou belangstel om meer oor pleegsorg uit te vind skakel vir Minka Landman by  012 333 0421 OF This email address is being protected from spambots. You need JavaScript enabled to view it. . Vir donasies, kontak Anja Le Cornu by This email address is being protected from spambots. You need JavaScript enabled to view it.

Sneeuwitjie: Emperors Palace

Jou kaartjie sit R5 in die Red-'n-Kind fonds se sak!

Hierdie splinternuwe Afrikaanse sprokie* word opgevoer by Emperors Palace vanaf 6 Mei tot 12 Junie 2016. Vinnig spring – die kaartjies verkoop soos soetkoek!

Besoek http://bit.ly/1ROB6gV vir Computicket besprekings.

*Met Reynard Slabbert as Prins Adriaan, Angela Kilian as Konigin Narsissa, en Nadine as Sneeuwitjie.

  • Van's Auctioneers
  • FR
  • Mervitz Malan
  • Minuteman
  • NG Kerk NS
  • XS
  • Konica Minolta
UA-6302644-17